| nimavozow a tozatoza |
| 青蛙迷路記 |
| 作者：席萳•嘉斐弄 (sinan Jyavizong), 鍾楚紅 (si Awogen), 羅允佳 (si Maskad) |
| 發音人：席萳•嘉斐弄 (sinan Jyavizong) |
nimavozow a tozatoza
| 青蛙迷路記 |
amyan so asa aka tozatoza a yalalam ni Manidong.
ikalak no ino a citahen na do tagow.
| Manidong有一隻寵物青蛙，狗好奇地看著玻璃瓶裡的青蛙。 |
mahep rana am,
omzeng si Manidong aka no ino a mitkeh.
mamizing no tozatoza sira omzeng am,
totwen na o tagow,
kasawey na rana.
| 到了晚上，Manidong和小狗打呼著睡覺。青蛙聽見他們的打呼聲，就跳出瓶子，跑掉了。 |
madagdag rana am,
citahen na ni Manidong o tagow am,
abo rana o tozatoza.
| 天亮以後，Manidong發現玻璃瓶裡的青蛙，已經不見了。 |
“wanjin o tozatoza ko ang?”
kowan na ni Manidong do onowned na.
akman so sang o ino a tomingi no sahad no tagow,
a komala so tozatoza.
| 「我的青蛙呢？」Manidong心裡這樣想著。狗狗也窺視瓶子裡面，尋找青蛙。 |
“tozatoza!
wanjin ka?”
kowan ni Manidong.
“oooow!”
manzogazoga o ino a tomawag do tozatoza a.
| 「青蛙呀！你在哪裡？」Manidong喊著。「汪汪汪！」小狗也叫著找青蛙。 |
“ow!”
nima’ogto si Manidong a makacita so ino a nimakas.
| 「噢！」Manidong看到小狗掉下去，嚇了一 跳。 |
to macilokso si Manidong a mangey somapopo so ino.
| Manidong也跟著跳下去，去抱住狗狗。 |
“tozatoza!
tozatoza!
wanjin ka?”
kowan ni Manidong.
“oooooow!”
macizanod o ino a tomawag do tozatoza.
| 「青蛙！青蛙！你在哪?」Manidong大喊。 「汪汪汪！」狗狗也大喊著找青蛙。 |
mangey sira do kahasan a komala so tozatoza.
| 他們前往森林去找青蛙。 |
“tozatoza!
ka myan do jya?”
kowan ni Manidong a tomawag jya do vavahey.
“oooooow!”
zogazogahen no ino a tomangara so vahey no tapipi do toos.
| 「青蛙！你在這嗎?」Manidong對著一個地洞大喊。「汪汪汪！」狗狗仰著頭對樹上的蜂窩大叫。 |
ni’ogto na ni Manidong o nimeytotwow do vavahey a karam.
o ino am,
goyogoyonen na o yanan no tapipi a kayo.
| 洞裡突然跳出一隻老鼠，嚇到了Manidong。而狗狗呢，正猛烈地搖著有蜂窩的樹。 |
miratateng am,
makas o vahey no tapipi!
| 結果呢，蜂窩掉下來啦！ |
komalat do kayo si Manidong a komala so tozatoza do tonga (no kayo).
| Manidong 爬上一棵樹，往樹洞裡找青蛙。 |
to meytotwow a somalap o totoo do tonga,
ni’ogto na ni Manidong,
kakas na do toos.
| 樹洞裡突然飛出一隻貓頭鷹，Manidong嚇到，就掉到樹下去了。 |
“awawawawawaw!!”
ji na rana nita o tovotovozan na no ino a omaheh do yowyawan da sya no tapipi.
| 「嗷嗷嗷嗷嗷嗷嗷！」 狗狗橫衝直撞地上氣不接下氣地狂奔，因為 一群蜜蜂追過來了。 |
“bosang!
bosang!”
voyawen ni Manidong o totoo.
| 「走開！走開！」Manidong驅趕那隻貓頭鷹。 |
“tozatoza,
wanjin mo yanan?”
tomanek do rako a mao si Manidong a tomawag do tozatoza.
| 「青蛙！你在哪裡呀?」Manidong站在一顆大石頭上喊著。 |
nitolowan na rana no bosbosan a somopit si Manidong no ozong na.
| 一隻鹿突然出現，把Manidong夾在牠的角中間。 |
a ipalayo na do alalasyas.
| 牠狂奔跑向山崖。 |
kapatovoz na si Manidong a iwasik do alalasyas.
| 把Manidong猛力丟下山崖。 |
miratateng am…
| 然後... |
“aaaaaaa-awalay……..!!!”
amlolos si Manidong a nimakas do ranom.
| 「唉啊啊啊啊啊呦喂呀！」Manidong 掉進了水裡。 |
“ikongo ori ang?”
ji sira meyzezyak a omamizing sya.
| 「那是什麼(聲音)？」他們安靜不說話，仔細聽。 |
“sih….”
“ji ka meygonagoney!”
kowan ni Manidong o ino.
| 「噓....」「你不要亂動」Manidong跟小狗說。 |
komalat sira do kayo.
| 他們爬上一塊木頭。 |
macita da o adoa aka tozatoza!
| 他們看見兩隻青蛙！ |
to meyparo o tozatoza a meytotwow do tangayin da.
maniring si Manidong am:
“ha!
sira asa aka vahey a tozatoza!”
| 他們眼前出現越來越多青蛙。Manidong說：「哈！他們是一個青蛙家族！」 |
“ana!
ko rana nimakala!”
| 「嘿！我已經找到牠了！」 |
masarey sira asa aka vahey,
do nipakakalan da rana so nimavozow a anak da a tozatoza.
| 青蛙一家都很高興，因為牠們終於找到了迷路的小青蛙。 |
